अन्तर्राष्ट्रिय परिचालन १४.५ प्रतिशतले घट्यो, फागुनसम्ममा जम्मा ७९ अर्ब
काठमाडौं- अन्तर्राष्ट्रिय विकास सहायता १४.५ प्रतिशतले घटेको छ। अर्थमन्त्री जनार्दन शर्माले शनिबार संसदमा प्रस्तुत गरेको आर्थिक सर्वेक्षण प्रतिवेदनमा नेपालमा आउने वैदेशिक सहायता घटेको देखिएको छ।
आर्थिक प्रतिवेदन अनुसार आर्थिक बर्ष २०७८-७९ को फागुनसम्ममा जम्मा ७९ अर्ब १० करोड रुपैयाँ मात्र बैदेशिक सहायता नेपाल भित्रिएको छ। जसमध्ये ६५ अर्ब २२ करोड ऋण र १३ अर्ब ८८ करोड अनुदान रहेको छ।
अर्थमन्त्री शर्माका अनुसार सो रकम कुल सहायता परिचालन मध्ये ऋण र अनुदनाको अंश क्रमशः ८२.४ र १७.६ प्रतिशत रहेको छ। त्यस्तै २०७७-७८ मा नेपालमा १ खर्ब ५७ अर्ब ६६ करोड रुपैयाँ बराबरको वैदेशिक सहायता नेपालमा भित्रिएको थियो। जसमध्ये २६ अर्ब ७९ करोड रुपैयाँ बराबरको अनुदान आएको थियो भने १ खर्ब ३० अर्ब ८७ करोड रुपैयाँ बराबरको ऋण आएको थियो।
सो वैदेशिक सहायता अघिल्लो आर्थिक वर्षको तुलनामा १८ प्रतिशत कम हो। अघिल्लो आर्थिक वर्षमा १ खर्ब ९२ अर्ब २२ करोड रुपैयाँ बराबरको वैदेशिक सहायता नेपाल भित्रिएको थियो।
सम्पर्क
फोन : +977-1-4790040/+977-1-4790242
इमेल : nepalsamayanews@gmail.com