काठमाडौं- चालु आर्थिक वर्षको निर्जीवन बिमा कम्पनीले हालसम्म ३१ अर्ब १९ करोड ७१ लाख रुपैयाँ कुल बीमाशुल्क आर्जन गरेको देखिएको छ। सम्बन्धित कम्पनीले चालु आवको पहिलो ९ महिनामा २३ लाख ४८ हजार २३२ बीमालेखवापत ३१ अर्बभन्दा बढी बीमाशुल्क आर्जन गरेका हुन्।
निर्जीवन बीमा कम्पनीहरुमध्ये सबैभन्दा बढी शिखर इन्स्योरेन्स कम्पनीले बिमाशुल्क संकलन गरेको छ। कम्पनीले चैत मसान्तसम्ममा ४ अर्ब १३ करोड रुपैयाँ बिमाशुल्क आर्जन गरेको हो।
सगरमाथा इन्स्योरेन्स कम्पनीले २ अर्ब ५९ करोड रुपैयाँ र नेको इन्स्योरेन्सले २ अर्ब ४१ करोड रुपैयाँ बीमाशुल्क संकलन गरी दोस्रो र तेस्रो स्थानमा छन्।
नेपाल इन्स्योरेन्स कम्पनीले १ अर्ब २८ करोड, दि ओरिएन्टल इन्स्योरेन्सले १ अर्ब १३ करोड, राष्ट्रिय बिमा कम्पनीले १ अर्ब ४८ करोड रुपैयाँ बिमा शुल्क आर्जन गरेका छन्।
यस्तै नेसनल इन्स्योरेन्सले ७४ करोड बिमाशुल्क संकलन गरेको छ। हिमालयन जनरल इन्स्योरेन्सले १ अर्ब ५१ करोड, युनाईटेड इन्स्योरेन्सले १ अर्ब २८ करोड, प्रिमियर इन्स्योरेन्स नेपालले १ अर्ब ७३ करोड र एभरेष्ट इन्स्योरेन्सले १ अर्ब ४ करोड कुल बिमा शुल्क आर्जन गरेका सम्बन्धित कम्पनीले जारी गरेको तेस्रो त्रैमासिक रिपोर्टले देखाएको छ।
यसरी नै प्रभु इन्सयोरेन्सले १ अर्ब १६ करोड, आईएमई जनरलले १ अर्ब ३७ करोड, प्रुडेन्सियल इन्स्योरेन्सले १ अर्ब ८ करोड, लुम्बिनी जनरलले १ अर्ब २६ करोड, एनएलजी इन्स्योरेन्सले १ अर्ब ९३ करोड, सिद्धार्थ इन्स्योरेन्सले २ अर्ब ७ करोड, जनरल इन्स्योरेन्स कम्पनीले ७५ करोड रुपैयाँ बिमाशुल्क संकलन गरेको देखिएको छ।
अजोड इन्स्योरेन्सले १ अर्ब ३३ करोड बिमा शुल्क संकलन गरेको छ।
सम्पर्क
फोन : +977-1-4790040/+977-1-4790242
इमेल : nepalsamayanews@gmail.com