बालेनको विजयोत्सव [तस्बिरहरू]

काठमाडौं- काठमाडौं महानगरपालिकाको मेयरमा विजयी बालेन शाहका समर्थकले आज काठमाडौंमा विजय जुलुस निकालेका छन्।

शुक्रबार बिहान राष्ट्रिय सभागृह अगाडिबाट समर्थकहरूले विजय जुलुस निकाल्ने भएका हुन्। जुलुस सहरका विभिन्न भागको परिक्रमा गर्ने कार्यक्रम छ। 

सभागृहबाट प्रारम्भ भएको जुलुस भद्रकाली, त्रिपुरेश्वर, माइतिघर सर्भिस ट्र्याक दक्षिण हुँदै बबरमहल, बिजुलीबजार, युएन पार्क कोरिडोर, शान्तिनगर, तीनकुने, कोटेश्वर, जडिबुटी, पेप्सीकोला पुग्ने छ।

पेप्सीकोलाबाट फिर्ता भएको जुलुस कोटेश्वर, तीनकुने, सिनामङ्गल, एयरपोर्ट, तीलगंगा, गौशाला, चावाहिल, महाराजगञ्ज, सामाखुशी, नयाँ बसपार्क, बालाजु, स्वयम्भू, सीतापाइला, कलंकी, बल्खु, कुलेश्वर, कालिमाटी, टेकु, त्रिपुरेश्वर, सुन्धाराहुँदै खुल्लामञ्चमा पुगेर सभामा परिणत हुनेछ। सभालाई नवनिर्वाचित मेयर बालेन शाहले सम्बोधन गर्ने छन्।