काठमाडौं- इन्डियन प्रिमियर लिग (आईपीएल) मा पञ्जाब किंग्सले सनराइजर्स हैदराबादविरुद्ध पाँच विकेटको जित निकालेको छ। आइतबार राति वाँखडे रंगशालामा सम्पन्न खेलमा पञ्जाबले पाँच विकेटको जित निकालेको हो।
टस जितेर ब्याटिन रोजेको हैदराबादले पुरा ओभर खेल्दै आठ विकेट गुमाएर १५७ रन बनाएको थियो। जवाफमा पञ्जाबले पाँच विकेट गुमाएर निर्धारित २० ओभरमा १६० रन बनाएर जित निश्चित गरेको हो।
पहिलो पारीमा हैदराबादका लागि अभिषेश शर्माले ४३ रन बनाएका थिए भने रोमारियो शेफर्डले अविजित २६ रन बनाएका थिए। त्यसक्रममा बलिङतर्फ पञ्जाबका हरप्रित ब्रर र नाथन इल्सले समान ३-३ विकेट गिराएका थिए।
त्यस्तै, दोस्रो पारीमा लियम लिविनस्टोम अविजित रहे पनि अर्धसतक बनाउनबाट एक रनले चुके। खेलमा शिखर धवनले पनि ३९ रनको योगदान दिएका थिए। यता, हैदराबादका फजाल्हक फारोकीले दुई विकेट गिराए।
आईपीएलको लिग चरणको यो अन्तिम खेलसमेत हो। यसअघिको खेलपहिले नै प्ले अफमा पुग्ने टिमको टुंगो लागिसकेको छ। यता गएराति प्रतिस्पर्धा गरेका यी दुवै टिम समूह चरणबाटै बाहिरिसकेका छन्।
तालिकाको शीर्ष चारमा रहँदै गुजरात टाइटन्स, राजस्थान रोयल्स, लखनौ सुपर जायन्ट्स र रोयल च्यालेन्जर्स बैंगलोरले शीर्ष चारमा स्थान बनाएका छन्।