एसी मिलानले जित्यो सिरी ए को उपाधि

काठमाडौं- इटालियन शीर्ष डिभिजनको फुटबल सिरी एको उपाधि एसी मिलानले जितेको छ। आइतबार राति सम्पन्न अन्तिम चरणको खेलमा एसी मिलानले ससुअलोलाई ३-० ले हराउँदै लिगको उपाधि आफ्नो नाम गरेको हो।

एसी मिलानलाई जित दिलाउनका लागि ओलिभिएर जिरुले दुई गोल गरे भने फ्रांक कैसरले एक गोल गरेका थिए। लिगमा एसी मिलानलाई उपाधि दौडमा इन्टर मिलानले पेचिलो प्रतिस्पर्धा गरिरहेको कारण लिगको अन्तिम राउन्ड अघिसम्म पनि विजेता टुंगो लाग्न सकेको छैन।

तर अन्तिम खेलमा मिलानले जित निकाल्दै उपाधि जितेको हो। यो जितसँगै शीर्षस्थानको मिलानले ८६ अंक बनाएको छ। यता गएराति नै साम्पदोरीयामाथि ३-० कै जित निकालेको मिलानले भने दोस्रो स्थान सुरक्षित गरेको छ। अहिले लिगमा इन्टरको ८४ अंक रहेको छ।

त्यस्तै, सिरी ए मा इन्टर नापोलीले तेस्रो र युभेन्टसले चौथो स्थान पक्का गर्दै अर्को सिजनको च्याम्पियन्स लिगमा स्थान बनाएका छन्।