इतिहास बनाउनबाट एक रनले चुकिन ज्योति

काठमाडौं- पछिल्लो खेलमा ४७ रनमा आउट भएकी ज्योति पाण्डे शनिबारको खेलमा ४९ रनमा आउट भएकी छन्। यससँगै ज्योति घरेलु मैदानमा पहिलो पटक अर्धसतक बनाउने कीर्तिमानबाट चुकेकी छन्। शनिबार कीर्तिपुर मैदानमा उनले युगान्डाविरुद्ध ६१ ब्लमा तीन चौकाका साथ ४९ रन बनाएर आउट भइन्।

ज्योतिको ४९सँगै कीर्तिपुरस्थित त्रिभुवन विश्वविद्यालयको मैदानमा जारी नेपाल र युगान्डा महिला टिमको अन्तिम खेलमा नेपालले .१२४ रनको प्रतिस्पर्धात्मक  लक्ष्य प्रस्तुत गरेको छ।

शनिबार टस हारेर ब्याटिङको निम्तो पाएको नेपाले पुरा ओभर खेल्दै छ विकेट गुमाएर १२३ रन बनाएको थियो।

नेपालका लागि ओपनिङमा ज्योतिसँगै आएकी सिता राना मगरले २४ बलमा १७ रन जोडिन्। त्यस्तै, इन्दू वर्मा आठ रन बनाएर आउट हुँदा कविता जोशीले पनि पाँच रनको योगदान दिइन्। 

त्यस्तै १८ ओभरको चौथो बलमा युगान्डाका लागि कोन्सी अवेको र फिओना कुलुमीले समान १–१ विकेट लिए। ज्योति, अप्सरी बेगम र रुविना क्षेत्री भने रनआउट भइन्।