मैदान ओसिलो भएपछि नेपाल र युगान्डाको खेलमा टस हुन सकेन

काठमाडौं- पाँच खेलको सिरिजका लागि काठमाडौं भ्रमणमा रहेको युगान्डाको महिला टोलीविरुद्ध शुक्रबार नेपाली महिला क्रिकेट टिमले चौथो खेल खेल्दैछ।

कीर्तिपुरस्थित त्रिभुवन विश्वविद्यालयको मैदानमा हुने खेलको लागि निर्धारित समयसम्म पनि टस हुन चाहिँ सकेको छैन।

वर्षाका कारण मैदान ओसिलो भएर खेल सुरु गर्ने सम्भावना कम भएपछि टस हुन नसकेको हो।

पहिलो चरणको मैदान अनुगमनपछि टसको समयलाई १ बजे सारिएको छ। त्यस्तै, साढे १ बजेबाट खेल सुरु हुनेछ।

पाँच खेलको यो सिरिजमा ३–० को अग्रता बनाउँदै युगान्डले जित निकालिसकेको छ भने नेपालले सिरिज गुमाएको छ। त्यसैले नेपाल यो सिरिजका बाँकी दुई खेलमा भने जित निकाल्न चाहन्छ।

सिरिज गुमाएपछि नेपाली टिमकी कप्तान रुविना क्षेत्रीले नेपाली टिमको कामजोरीबार चर्चा गरेकी थिएन। उनले मिसफिल्डिङ र फिटनेसमा समस्या मुख्य भएको बताएकी छन्।