कोहलीको सानदार ब्याटिङमा बैंगलोरको जित

काठमाडौं- इन्डियन प्रिमियर लिग (आईपीएल) मा गुजरात टाइटन्सले चौथो हार बेहोरेको छ। वांखडे रंगशालामा बिहीबार राति सम्पन्न भएको १४औं खेलमा गुजरात टाइटन्सले रोयल च्यालेन्जर्स बैंगलोरसँग आठ विकेटको हार बेहोरेको हो।

टस जितेर पहिले ब्याटिङ गरेको गुजरातले पुरा ओभर खेल्दै पाँच विकेटको क्षतिमा १६८ रन बनाएको थियो। जवाफमा  बैंगलोरले आठ बल बाँकी रहँदै दुई विकेट गुमाएर १६९ रनको लक्ष्य पुरा गरेको थियो।

बैंगलोरका लागि विराट कोहलीले सर्वाधिक ७३ रनको योगदान दिए भने फाफ डु प्लेसिसले ४४ र ग्लेन म्याक्सवेलले ४० रन बनाए। त्यस अवधिमा रसिद खानले दुई विकेट लिए।

पहिलो पारीमा हार्दिक पाण्ड्याले ६२ रन बनाएका थिए भने डेविड मिल्नरले ३४ रनको योगदान दिएका थिए। त्यसक्रममा जोस हज्लेवुडले दुई विकेट लिँदा म्याक्सवेल र वानिन्दू हसरंगाले समान १,१ विकेट गिराएका थिए।

हारका बाबाजुद २० अंक भएको गुजरात शीर्षस्थानमा छ भने चौथो स्थानको बैंगलोरको १६ अंक छ। शीर्षस्थानको गुजरात र दोस्रो स्थानको लखनौ आईपीएलको प्ले अफमा पुगिसकेका छन्।