नेपालले टस जितेर ब्याटिङ रोज्यो

काठमाडौं- युगान्डाविरुद्धको तेस्रो खेलमा नेपालले टस जितेको छ। कीर्तिपुरस्थिति त्रिवी क्रिकेट मैदानमा एक बजेबाट सुरु हुने खेलका लागि नेपाली महिला टिमले टस जितेर ब्याटिङ गर्ने भएको छ।

पहिलो खेलमा टस जितेर बलिङ गरेको नेपाली टिमले १२ रनको हार बेहोरेको थियो। दोस्रो खेलमा नेपालले टस हार्यो। टस हारेर नेपालले पहिलो ब्याटिङको निम्तो पाएको थियो।

त्यो खेलमा नेपालले एक विकेटको हार बेहोरेको थियो। आज भने नेपालले टस जितेर ब्याटिङ रोजेको हो।

नेपाललाई सिरिज जोगाउन आज अन्तिम अवसर रहेको छ। आजको खेलमा नेपालले हार बेहोरेको अवस्थामा नेपालले जिरिज जित्ने छैन। त्यति मात्र होइन अब सिरिज जित्नका लागि नेपालले बाँकी तीन खेलमा नै जित निकाल्नु पर्नेछ।

प्रतियोगिताअघि नेपाललाई विजेता टिमको रुपमा हेरिएका भए पनि फिल्डिङ र खेलाडीको फिटनेस राम्रो नहुँदा नेपालले हार बेहोरेको प्रशिक्षक जगट टमाटाले बताउँदै आएका छन्।