सिरिज बचाउने नेपाललाई अन्तिम अवसर

काठमाडौं- नेपाली महिला क्रिकेट टिमले आज युगान्डाविरुद्ध तेस्रो खेल खेल्दैछ। कीर्तिपुर मैदानमा जारी पाँच खेलको टी २० सिरिजअन्तर्गत आज नेपाली महिला टिमले तेस्रो खेल खेल्न लागेको हो।

सुरुमा जितको लक्ष्य राखे पनि नेपालले सुरुका दुई खेलमा जित निकाल्न सकेको छैन। त्यसैले आजको खेलमा जित निकाल्न नसके नेपालले सिरिज गुमाउनेछ।

आजको खेलमा युगान्डाले जित निकाल्यो भने उसले यो सिरिज जित्नेछ। त्यसैले सिरिजको उपाधि बचाउनका लागि आज नेपाललाई अन्तिम अवसर रहेको छ।

पहिलो खेलमा नेपालले १२ रनको हार बेहोरेको थियो भने दोस्रो खेलमा नेपालले एक विकेटको हार बेहोरेको थियो। यता नेपाली टिममा प्रशिक्षक जगत टमाटो सामान्य फेरबल गरेर खेलाइरहेका छन्। उनले नयाँ र युवा खेलाडीलाई पनि अवसर दिने बताएका छन्।

टमाटाका अनुसार नेपाली खेलाडीले फिटनेसमा ध्यान दिन सके र फिल्डिङमा राम्रो गर्न सके जित निश्चत छ। तर विश्वकप छनोट देखि नै महिला टिमको फिल्डिङ विर्सनलायक छ।