काठमाडौं- प्रतीक्षाको लामो सामयपछि नेपाल टी-२० लिग आयोजना हुने भएको छ। नेपाल क्रिकेट संघ (क्यान)को मुख्य प्रतियोगिता स्वरूप नेपाल टी २० क्रिकेट फ्रेन्चाइज लिग आयोजना गर्ने क्यानले जानकारी दिएको हो।
बुधबार क्यानले एक पत्रकार सम्मेलन गर्दै टी २० लिग आउँदो सेप्टेम्बर २५ बाट सुरु गर्ने जानकारी गरेको हो।
यो प्रतियोगिताको फाइनल खेल आगामी अक्टोबर २२ मा हुनेछ। प्रतियोगिता २८ दिनको हुने क्यानका अध्यक्ष चतुरबहादुर चन्दले जनाएका छन्।
होम एन्ड अबे नै कीर्तिपुर को त्रिभुवन विश्वविद्यालय को मैदानमा हुने चन्दले बताएका छन्। प्रतियोगितामा ६ टिमले सहभागिता जनाउने आयोजकले बताएको छ।
यसअघि क्यानले नेपाल प्रिमियर लिग गराउनेबारे प्रयास गरेको थियो। तर नेपाल प्रिमियर लिगको अधिकार नेपाल क्रिकेट संघबाटै एक व्यक्तिको नाममा दर्ता भएको छ। यसकारण क्यानले नेपाल प्रिमियर लिग लिन नपाएको हो।
त्यसपछि नेपाल टी–२० लिग नाममा क्यानले फ्रेन्चाइज प्रतियोगिता सुरु गर्न लागेको हो। यो प्रतियोगिताको राइट भने क्यानले साभेन थ्री स्पोट्सले किनेको छ।