काठमाडौं– कलंकी चोकमा बुधबार बिहान टिपरले मोटरसाइकललाई ठक्कर दिँदा एक जनाको मृत्यु भएको छ।
कालिमाटी प्रहरी वृत्तका अनुसार बिहान करिब ३ बजेतिर कलंकीमा थानकोटबाट स्वयम्भूतर्फ आइरहेको बा ५ ख ७३४५ नम्बरको टिपरले सोही दिशातर्फ आइरहेको बा ८० प ६३७३ नम्बरको मोटरसाइकललाई ठक्कर दिएको थियो।
दुर्घटनामा मोटरसाइकल चालक धादिङको धुनिवेशी नगरपालिका–२ घर भएका ४५ वर्षीय दिवाकर अधिकारीको मृत्यु भएको प्रहरीले जनाएको छ। दुर्घटनामा गम्भीर घाइते भएका अधिकारीको त्रिवि शिक्षण अस्पताल महाराजगन्जमा उपचारका क्रममा मृत्यु भएको हो।
टिपर चालक लीलाबहादुर तामाङसहित दुर्घटनामा परेका दुवै सवारीसाधन कालीमाटी प्रहरी वृत्तले नियन्त्रणमा लिएको छ।