चितवन- चितवनको भरतपुरमा एक युवाको हत्या भएको छ। आइतबार साँझ ७:३० बजे भरतपुर-१२ निवासी अनिल परियार (कान)को धारिलो हतियार प्रयोग गरि हत्या गरिएको प्रहरीले जनाएको छ।
जिल्ला प्रहरी कार्यालय चितवनका प्रवक्ता डीएसपी नरहरी अधिकारीले घटनाबारे जानकारी दिएका छन्। उनले परियारलाई भरतपुर-७ कृष्णपुर खेलमैदान अगाडि अज्ञात समूहले आक्रमण गरेको बताएका छन्।
परियारको चितवन मेडिकल कलेजमा उपचारका क्रममा ज्यान गएको अधिकारीले बताए। घटनाबारे अनुसन्धान थालिएको प्रहरीले जनाएको छ।
उनी नेपाली कांग्रेस बागमती प्रदेश प्रतिनिधिसमेत रहेको प्रहरीले जनाएको छ।