कांग्रेस कार्यकर्ताले फेरि रेणुलाई भोट हाले प्रचण्डका आफन्त २० वर्ष बोक्नुपर्छ : ओली

सभामा उनले प्रचण्डको धम्कीको कुनै अर्थ नभएकोसमेत बताए। 'कसैले धम्की दिँदैमा दुर्घटना हुनेवाला छैन। हुने कुरा भनेको गठबनध्नले नराम्ररी हार्ने मात्र हो। अनि चिसै पानीले नुहाउँछ। केही हुनेवाला छैन,' उनले भने।

नेपाल समय | आइतबार, वैशाख २५, २०७९

नेपाल समय

आइतबार, वैशाख २५, २०७९

कांग्रेस कार्यकर्ताले फेरि रेणुलाई भोट हाले प्रचण्डका आफन्त २० वर्ष बोक्नुपर्छ : ओली

काठमाडौं- नेकपा एमालेका अध्यक्ष केपी शर्मा ओलीले कांग्रेसका कार्यकर्ताहरूले भरतपुर मेयरकी उम्मेदवार समेत रहेकी पुष्पकमल दाहाल प्रचण्डकी छोरी रेणु दाहाललाई भोट हाले २० वर्षसम्म उनैलाई बोक्नुपर्ने बताएका छन्। भरतपुरमा आयोजित एमालेको चुनावी सभामा सम्बोधन गर्दै ओलीले यस्तो बताएका हुन्।

'नेपाली कांग्रेसका कार्यकर्ताहरूमाथि सहानुभुति व्यक्त गर्न चाहन्छु। जिन्दगीभरी कांग्रेस भएर हिँडेका कार्यकर्ताहरू विचरा हेर्नुहोस् त,' उनले थपे, 'फेरि पनि रेणुले जिते प्रचण्ड खुशी हुने रे! २० वर्ष गठबन्धन टिकाउने रे! भनेपछि कांग्रेस कार्यकर्ताको हालत के हुने भो? २० वर्षसम्म छोरी बोक। छोरो बोक। ज्वाईं बोक। भाइ बोक। भाइ भएन भने भतिजो बोक।'

सभामा उनले प्रचण्डले दिएको धम्कीको कुनै अर्थ नभएकोसमेत बताए। 'कसैले धम्की दिँदैमा दुर्घटना हुनेवाला छैन। हुने कुरा भनेको गठबनध्नले नराम्ररी हार्ने मात्र हो। अनि चिसै पानीले नुहाउँछ। केही हुनेवाला छैन,' उनले भने। प्रचण्डले तीन दिन अघि मात्र आफ्नो छोरी रेणुलाई भोट नदिए देश दुर्घटनामा जान सक्ने धम्की दिएका थिए।

प्रकाशित: May 08, 2022| 17:31 आइतबार, वैशाख २५, २०७९