काठमाडौं- कामका लागि विदेश गएका कञ्चनपुरका एक युवक आफ्नै कोठामा मृत फेला परेका छन्।
रोजगारीको लागि दुबई गएका बेदकोट नगरपालिका-४ बिजयनगर बगुनका २२ वर्षीय खड्क साउँद आफ्नै कोठामा मृत अवस्थामा भेटिएका बेदकोट नगरपालिकाका मेयर असोक कुमार चन्दले बताए।
उनले मृत फेला परे पनि के कति कारणले मृत्यु भएको हो भन्ने जानकारी आइनसकेको बताए। मृतकको शव पोष्टमार्टमलाई अस्पतालमा राखिएको छ। तर, अस्पतालको नाम भने खुलेको छैन।
मेयर चन्दले उनको शव नेपाल ल्याउन आवश्यक सहयोगको लागि दुबईमा रहेका नेपालीलाई आग्रह पनि गरेका छन्। साउँद दुई महिना अघि मात्रै दुबई गएका थिए । गत असोजमा उनले विवाह गरेका थिए।