घोराही- नेकपा माओवादी केन्द्रका अध्यक्ष एवं पूर्व प्रधानमन्त्री पुष्पकमल दाहाल प्रचण्डलाई जुत्ता हान्ने अभिव्यक्ति दिने एक जनालाई प्रहरीले पक्राउ गरेको छ। सामाजिक सञ्जालमा प्रचण्डलाई जुत्ता हान्ने अभिव्यक्ति दिएका दाङका एक जना पत्रकारलाई प्रहरीले पक्राउ गरेको हो।
पक्राउ पर्नेमा तुलसीपुर उपमहानगरपालिका-३ बस्ने ५२ वर्षीय यज्ञ बहादुर बुढा रहेका छन्। बुढाले ‘हिजो सकेनन् चितवनवासीले, मेरी छोरीले चुनाव हारे देश दुर्घटनामा जान्छ भन्ने प्रचण्ड दाङ आए जुत्ता म हान्छु अब’ भनेर सामाजिक सन्जालमा पोस्ट गरेका थिए।
चुनावी सभालाई सम्बोधन गर्न प्रचण्ड आज दाङको घोराही र तुलसीपुर आउने कार्यक्रम छ। प्रहरीले बुढामाथि विद्युतीय कारबाही ऐन अनुसार कारबाही हुने जनाएको छ।
प्रकाशित: May 08, 2022| 11:17 आइतबार, वैशाख २५, २०७९
