काठमाडौं- काठमाण्डौ उपत्यकामा शनिबार बिहानैदेखि घाम लागेको छ। केही दिनदेखि काठमाडौंसहित देशका धेरैजसो ठाउँको मौसम बद्ली भए पनि आज बिहानै काठमाडौं उपत्यकाको मौसम भने खुलेको हो।
अहिले घाम लागे पनि बिस्तारै मौसम बद्ली हुँदै जाने सम्भावना रहेको मौसमविद् बिनु महर्जनले बताइन्। उनले दिउँसोपछि काठमाडौंसहित देशका धेरैजसो ठाउँमा मेघगर्जन र चट्याङ्गसहित वर्षा हुने बताएकी छन्।
आज राति पनि देशका धेरैजसो ठाउँमा पानी पर्ने सम्भावना रहेको छ। आज बेलुकातिर प्रदेश नम्बर एक, मधेस प्रदेश, वाग्मती र गण्डकी प्रदेशका धेरैजसो ठाउँमा सामान्यदेखि मध्यम खालको पानी पर्ने सम्भावना रहेको उनले बताइन्।