गठबन्धनका मेयर-उपमेयर उम्मेदवार 'पहिलो पटक' एउटै कार्यक्रममा

उपमेयर उम्मेदवार श्रेष्ठले सिंहसँग नियमित छलफलमा रहेको बताए। ‘मैले सिर्जना भाउजूसँग सल्लाह गरेको छु, महानगरपालिकामा हामीले सुशासन कायम गर्ने छौँ। शिक्षा र स्वास्थ्यमा मौलिक हक कायम गर्नैपर्छ,’ उनले भने।

नेपाल समय | शुक्रबार, वैशाख २३, २०७९

नेपाल समय

शुक्रबार, वैशाख २३, २०७९

गठबन्धनका मेयर-उपमेयर उम्मेदवार 'पहिलो पटक' एउटै कार्यक्रममा

गठबन्धनका उपमेयर रामेश्वर श्रेष्ठ (बायाँबाट पहिलो) र मेयर उम्मेदवार सिर्जना सिंह (बायाँबाट दोस्रो)। यसअघिका चुनावी कार्यक्रमहरूमा उनीहरू सँगै देखिएका थिएनन्।

काठमाडौं- चुनावी कार्यक्रममा यसअघिसम्म सँगै नदेखिएका गठबन्धनका मेयर उम्मेदवार सिर्जना सिंह (नेपाली कांग्रेस) र उपमेयर उम्मेदवार रामेश्वर श्रेष्ठ (नेकपा एस) एकै मञ्चमा देखिएका छन्। सत्ता गठबन्धनले शान्ति वाटिकामा गरेको चुनावी कार्यक्रममा उनीहरु सँगै देखिएका हुन्। यसअघि उनीहरूले छुट्टाछुट्टै रूपमा घरदैलो कार्यक्रम गरेका थिए।

कार्यक्रममा सम्बोधन गर्दै उपमेयर उम्मेदवार श्रेष्ठले सिंहसँग नियमित छलफलमा रहेको दाबी गरे। ‘मैले सिर्जना भाउजूसँग सल्लाह गरेको छु, महानगरपालिकामा हामीले सुशासन कायम गर्ने छौँ। शिक्षा र स्वास्थ्यमा मौलिक हक कायम गर्नैपर्छ,’ उनले भने।

गत १२ वैशाखमा उम्मेदवारी मनोनयन दर्ता गर्दा पनि सिर्जना र श्रेष्ठले संयुक्त फोटो सेसन गराएपनि सिर्जना मनोनयनका लागि एक्लै सभागृह छिरेकी थिइन्। यसपछिका चुनावी कार्यक्रममा उनीहरु सँगै देखिएका थिएनन्।

प्रकाशित: May 06, 2022| 15:40 शुक्रबार, वैशाख २३, २०७९