आज सबै जिल्लामा मतपत्र ढुवानी सकिन्छ : निर्वाचन आयोग

स्थानीय तह निर्वाचनका लागि मतपत्रको छपाइ सम्पन्न भएको निर्वाचन आयोगले जनाएको छ। यसका साथै आज सबै जिल्लामा मतपत्र ढुवानी भइसक्ने आयोगको भनाइ छ।

नेपाल समय | शुक्रबार, वैशाख २३, २०७९

नेपाल समय

शुक्रबार, वैशाख २३, २०७९

काठमाडौं- स्थानीय तह निर्वाचनका लागि मतपत्रको छपाइ सम्पन्न भएको निर्वाचन आयोगले जनाएको छ। यसका साथै आज सबै जिल्लामा मतपत्र ढुवानी भइसक्ने आयोगको भनाइ छ।

आयोगका प्रवक्ता शालिग्राम शर्मा पौडेलले मधेस प्रदेशका जिल्ला बाहेक सबै जिल्लामा मतपत्र ढुवानी भइसकेको छ।

आयोगले निर्वाचनका लागि स्थानीय तह निर्वाचन (जनशक्ति व्यवस्थापन) निर्देशिका, २०७८ बमोजिम खटिने मतदान अधिकृत, सहायक मतदान अधिकृत, सहायक कर्मचारी र मतगणना कर्मचारीलाई अति जरुरी, मानवीय र संवेदनशील कारण परेको अवस्थामा बाहेक खटाइएको कर्मचारीलाई तोकिएको ठाउँमा खटिन आयोगले निर्देश गरेको छ।

उपयुक्त कारण परेको अवस्थामा बाहेक कुनै पनि कर्मचारीले निर्वाचनको काममा खटिन इन्कार गरेमा प्रचलित कानुन बमोजिम कडा कारवाही गर्न सबै मुख्य निर्वाचन अधिकृत तथा निर्वाचन अधिकृतलाई आयोगले निर्देशन दिएको छ।

मतदान कार्यका लागि खटिएका कर्मचारीलाई अनिवार्य रूपमा आफू खटिएको ठाउँमा अविलम्ब जान र आफूलाई तोकिएको जिम्मेवारी पूरा गर्न आयोगले आदेश गरेको छ।

प्रकाशित: May 06, 2022| 08:45 शुक्रबार, वैशाख २३, २०७९