ताप्लेजुङ- ताप्लेजुङको लेलेपमा छोराले आफ्नै बृद्ध बुवा आमाको हत्या गरेका छन्। फक्ताङ्लुङ गाउँपालिका-६ लेलेपको गोटीछाँगाका २५ वर्षीय आइतराज लिम्बूले बिहीबार साँझ हत्या गरेका हुन्।
जिल्ला प्रहरी कार्यालय ताप्लेजुङका अनुसार आइतराजले बुबा बृखबहादुर लिम्बू र आमा फिपरानी लिम्बूको हत्या गरेका हुन्। मादक पदार्थ सेवनका कारण घटना भएको प्रारम्भिक जानकारी आएको प्रहरीले जनाएको छ।
स्थानीयका अनुसार एकान्तस्थलमा यहाँ दुई वटा मात्रै घर रहेका छन्। घटनाको जानकारी पनि स्थानीयले लेलेप प्रहरी चौकीमा खबर गरेका थिए।
आइतराज भेडाको गोठमा बस्ने गर्थे। एकसाता अघिमात्रै पारिवारिक झगडा लेलेप प्रहरी चौकीमा मिलाएको स्थानीयले बताएका छन्।
प्रकाशित: May 06, 2022| 08:36 शुक्रबार, वैशाख २३, २०७९
