काठमाडौं- पर्साको सखुवाप्रसौनी गाउँपालिकामा गोली चलेको छ। सखुवाप्रसौनी गाउँपालिका-१ औराहामा बिहीबार राति करिब साढे ९ बजेतिर गोली चलेको हो।
स्थानीयले दुई राउण्ड गोली चलेको आवाज सुनेपछि प्रहरीलाई खबर गरेका थिए। स्थानीय मङ्गल बहादुर ब्लोनको घरको धानको भकारीमा गोलीको अगाडिको भागले लागेको देखिएको प्रहरीले जनाएको छ।
जिल्ला प्रहरी कार्यालय पर्साका प्रवक्ता प्रहरी नायब उपरीक्षक ओम प्रकाश खनालले गोली कसले र किन चलायो भन्ने खुल्न नसकेको बताए। उनले घटनाबारे अनुसन्धान भइरहेको बताएका छन्।
प्रकाशित: May 06, 2022| 07:37 शुक्रबार, वैशाख २३, २०७९
