आरजुको 'अशोभनीय' वक्तव्य : कांग्रेसको मेयर नभएको ठाउँमा पैसा पठाउँदैनौँ

प्रधानमन्त्री शेरबहादुर देउवाकी पत्नी आरजु राणाले कांग्रेसको मेयर नभएको ठाउँमा पैसा नपठाउने चेतावनी दिएकी छन्।

नेपाल समय | बिहीबार, वैशाख २२, २०७९

नेपाल समय

बिहीबार, वैशाख २२, २०७९

आरजुको 'अशोभनीय' वक्तव्य : कांग्रेसको मेयर नभएको ठाउँमा पैसा पठाउँदैनौँ

काठमाडौं- प्रधानमन्त्री शेरबहादुर देउवाकी पत्नी आरजु राणाले कांग्रेसको मेयर नभएको ठाउँमा पैसा नपठाउने चेतावनी दिएकी छन्। डडेलधुरामा बिहीबार आयोजित कार्यक्रममा सम्बोधन गर्दै उनले यस्तो 'अराजनीतिक' वक्तव्य दिएकी हुन्।

'कांग्रेसको मेयर नै हुनुहुन्न त हामीले किन पैसा पठाउँछौँ? त्यसैले यो कुरालाई पनि ध्यान दिएर यो करुवा-सरुवा-हरुवा पार्टीहरुलाई भोट नहाल्नुस्,' आरजुको चेतावनी थियो।

करुवा नेपाली कांग्रेस बीपीको चुनाव चिह्न हो। डडेल्धुराका केही पालिकामा कर्ण मल्लले नेपाली कांग्रेस बीपीलाई समर्थन गरेका छन्। कर्णलाई हालै कांग्रेसले साधारण सदस्यबाट समेत निष्काशित गरेका छ।

कुनै पालिकामा कसले जितेको छ भन्ने आधारमा बजेट विनियोजन हुँदैन। अर्थ मन्त्रालयले जनसंख्या, भूगोललगायतका विभिन्न आधारमा सूत्र तयार पारेर सोही अनुसार आएको रकम पालिकाहरूलाई विनियोजन गर्छ। अर्थ मन्त्रालयका अनुसार प्रधानमन्त्री वा उनकी पत्नी वा अरु कोही हुँदैमा कुनै पालिकालाई जाने बजेट रोक्ने भन्ने अवस्था हुँदैन।

प्रकाशित: May 05, 2022| 23:26 बिहीबार, वैशाख २२, २०७९