काठमाडौं– ललितपुर महानगरपालिका–५ महालक्ष्मीस्थानस्थित सडक पेटीमा शव भेटिएको छ। महालक्ष्मीस्थान मन्दिरको सडक पेटीमा परिचय खुल्न नसकेका एक पुरुषको शव भेटिएको हो।
जिल्ला प्रहरी परिसर ललितपुरका अनुसार करिब ६ वर्षका पुरुषको शव भेटिएको हो। घटनास्थल मुचुल्का गरी शव परीक्षणका लागि पाटन अस्पतालमा पठाइएको प्रहरीले जनाएको छ।
सेतो–निलो हाफ टिसर्ट र कालो रंगको ट्राउजर लगाएका पुरुषको शव भेटिएको हो। कपाल फुलेको, गोरो वर्ण र करिब ५ फिट ७ इन्च उचाइ भएका पुरुषको शव भेटिएकाले यो हुलियासँग मेल खाने कोही व्यक्ति हराएको भए वा कसैले चिने खबर गर्न प्रहरीले अनुरोध गरेको छ।
प्रकाशित: May 05, 2022| 18:05 बिहीबार, वैशाख २२, २०७९
