म्यानचेस्टर सिटीलाई पराजित गर्दै रियल च्याम्पियन्स लिगको फाइनलमा

काठमाडौं- युरोपेली च्याम्पियन्स लिगको सेमिफाइनल खेलमा स्पेनिस क्लब रियल मड्रिडले जित निकालेको छ। बुधबार राति घरेलु मैदानमा भएको सेमिफाइलनको दोस्रो लेगमा इङ्लिस क्लब म्यानचेस्टर सिटीमाथि ३-१ को जित निकाल्दै रियल उपाधिनजिक पुगेको हो। 

खेलको ७३औं मिनेटमा रियाद महरेजको गोलमा अग्रता लिएको सिटीविरुद्ध ९० औं मिनेटमा रोड्रिगोले गोल गर्दै रियललाई १-१ को बराबरीमा पुर्‍याए।

इन्जुरी समयको छैटौं मिनेटमा रोड्रिगोले व्यक्तिगत दोस्रो गोल गर्दै रियललाई २-१ को अग्रता दिलाए । जसको कारण खेल समग्रमा ५-५ को स्थितिमा पुग्यो। त्यसपछि खेल अतिरिक्त समयमा गयो । र, करिम बेन्जिमाले पेनाल्टीबाट गोल गर्दै ३-१ को जित दिलाएर फाइनल पुर्‍याए। अब रियलले उपाधि लागि २९ मे मा लिभरपुलसँग खेल्ने छ।