काठमाडौं- त्रिपुरेश्वरस्थित राष्ट्रिय खेलकुद परिषद (राखेप) को कभर्डहलमा आज भएको भलिबल खेलमा महिलातर्फ पुलिसले बुटवलको एभरेस्ट भलिबल क्लबलाई पराजित गरेको छ। पुलिसले बुटवललाई २५–१८, २५–१९ र २५–१४ को सोझो सेटमा पराजित गरेको छ।
आजै भएको दोस्रो तथा अन्तिम खेलमा त्रिभुवन आर्मी क्लबले होङ्गान्जी न्यू डायमण्ड क्लबलाई २५–१६, २५–१२ र २५–१२ को सेटमा पराजित गरेको छ।
नेपाल पुलिसको यो जितसँगै दुई खेलबाट ६ अंक पुगेको छ। आर्मीको तीन खेलबाट ६ अंक नै रहेको छ। यस्तै नेपाल एपिएफको ३, एभरेस्टको २ र न्यू डायमन्डको १ अंक रहेको छ।