पुलिस र टिपटप विजयी

काठमाडौं- छैटौँ महिला तथा पुरुष क्लब लिग भलिबलमा पुरुषतर्फ बुधबारको खेलमा नेपाल पुलिस क्लब र टिपटप हेल्प नेपाल स्पोर्टस क्लबले जित हात पारेका छन्। 

त्रिपुरेश्वरस्थित राष्ट्रिय खेलकुद परिषद (राखेप) को कभर्ड हलमा भएको पहिलो खेलमा पुलिसले गण्डकीलाई पराजित गरेको हो। प्रतिस्पर्धात्मक खेल पुलिस क्लबले जित्दै तीन अंक जोडेको छ।

आजै भएको दोस्रो खेलमा टिपटप क्लबले एपिएफलाई पराजित गरेको छ। टिपटपले ३-१ सेटमा एपीएफलाई हराएको हो। 

खेलको अन्तिम सेटमा रेफ्रीले टिपटपका खेलाडीलाई रातो कार्ड दिएपछि खेलमा विवाद आएको थयो। रातो कार्ड पाएपछि टिपटपका सदस्य आक्रोशित बनेका थिए। केही समयपछि विवाद मिलाएर सुरु गरिएको थियो।