काठमाडौं- नेपाल खेलकुद पत्रकार मञ्चको १७औं साधारणसभा आज काठमाडौंमा जारी छ। मञ्चको यो चुनाबी साधारणसभामा नयाँ कार्य समितिको चयन हुँदै छ।
मंगलबारको चुनाबमा अध्यक्ष, सदस्य र महिला सदस्यमा मात्र निर्वाचन हुने भएको छ। मन्चको वरिष्ठ उपाध्यक्ष्य, उपाध्यक्ष, महाचिव, सचिव र कोषाध्यक्ष पद भने सर्वसम्मत हुने भएको छ।
आज ३ बजे हुने निर्वाचबमा देवेन्द्र सुवेदी र प्रकाश तिमल्सिना अध्यक्ष पदका लागि भिड्दै छन्। यी दुई उम्मेदवारबीच पछिल्लो चुनाबमा पनि प्रतिस्पर्धा भएको थियो। त्यो निर्वाचनमा तिमल्सिनालाई ११ भोटले पछि पार्दै सुवेदीले जित निकालेका थिए। यी नै दुई उम्मेदवारबीच आज भोटिङ हुँदैछ।
यता उपाध्यक्ष भने सर्बसम्मतले चयन भएको छ। जहाँ ध्रुव तुलाधरले आफ्नो उम्मेदवारी नदिने भएपछी वरिष्ठ उपादक्ष्यमा निरन्जन अधिकरी चयन भएका छन्। त्यस्तै उपाध्यक्षमा गोविन्द रेग्मी र संजिव शिल्पकार चयन भएका छन्। त्यस्तै महाचिव, सचिव र कोषाध्यक्षमा पनि निर्वाचन नहुने भएको छ।
महासचिव पदमा प्रज्वल ओली को एक्लो उम्मेदवारी परेको छ भने सचिवमा अन्जन खड्का र कोषाध्यक्षमा सुजन श्रेष्ठको मात्र उम्मेदवारी परेको छ।
तीन जनालाई भोट हाल्न पाइने सदस्य पदका लागि चार जनाको उम्मेदवारी परेको छ। जहाँ सदस्यहरुमा अनिल मल्ल ठकुरी, निशान राई सुचा, कुशल तिमल्सिना र संजिव शाहले आफ्नो उम्मेदवारी दिएका छन्। त्यस्तै महिला सदस्यमा मुना कार्की र लक्ष्मी जि.सीले प्रतिस्पर्धा गर्ने भएका छन्।