शृंखलाको अन्तिम खेलमा नेपाल र जिम्बावे 'ए' भिड्दै

काठमाडौं- कीर्तिपुरस्थित त्रिभुवन विश्वविद्यालयको क्रिकेट मैदानमा जारी नेपाल- जिम्बावे 'ए' टी-२० सिरिजमा आज अन्तिम खेल हुँदैछ।

बुधबार हुने अन्तिम तथा तेस्रो खेलमा आज नेपालले र शृंखला बराबरी गर्ने लक्ष्यका साथ आज नेपाली टिम मैदान प्रवेश गर्नेछ। सिरिजको पहिलो खेलमा नेपालले हार बेहोरी सकेको छ। तर मौसमको प्रतिकुल प्रभावका कारण नेपाल र जिम्बावेको दोस्रो खेल रद्द भएको थियो।

त्यसैले आजको खेलमा नेपालले जित निकाल्न सके सिरिज बराबरी हुनेछ। टी २० शृंखलापछि नेपाल र जिम्बाबेले ३ खेलको एक दिवसीय शृंखला खेल्ने छ।

नेपालले यस अघि पपुवा न्युगिनीसँग २ खेलको एक दिवसीय शृंखला खेलेको थियो भने पपुवा न्युगिनी र मलेसियासँग टी २० क्रिकेट शृंखला खेलेको थियो। टी २० मा नेपालले फाइनलमा पपुवा न्युगिनीलाई हराउँदै विजेता भएको थियो।