मदन भण्डारी र जीवराज आश्रितको शालिक तोडफोड

हेटौंडा उपमहानगरपालिका-९ मा निर्माणाधिन दिब्य बाल उद्यानमा तोडफोड भएको छ। बिहीबार राति अज्ञात समूहले पार्कमा रहेको मदन भण्डारी र जीवराज आश्रितको शालिक तोडफोड गरेको हो।

नेपाल समय | शुक्रबार, वैशाख ९, २०७९

नेपाल समय

शुक्रबार, वैशाख ९, २०७९

मदन भण्डारी र जीवराज आश्रितको शालिक तोडफोड

हेटौंडा– हेटौंडा उपमहानगरपालिका-९ मा निर्माणाधिन दिब्य बाल उद्यानमा तोडफोड भएको छ। बिहीबार राति अज्ञात समूहले पार्कमा रहेको मदन भण्डारी र जीवराज आश्रितको शालिक तोडफोड गरेको हो।

बिहान पार्कमा मर्निङवाक गर्न आएका स्थानीयले शालिक तोडफोड भएको देखेपछि पार्क व्यवस्थापन समितिलाई खबर गरेका थिए।

स्थानीय तहको निर्वाचन नजिकिँदै जाँदा राजनीतिक पूर्वाग्रह राखेर यस्तो घटना घटाइएको हेटौंडा-९ का वडाध्यक्ष तथा पार्क व्यवस्थापन समितिका अध्यक्ष लक्ष्मणप्रसाद भण्डारीको आरोप छ।

मदन भण्डारीको शालिकको शिर भाँचेर केही तल खोलामा फालिएको र आश्रितको पूरै शालिक उखेलेर फालिएको अवस्थामा रहेको छ। पार्कमा रहेका अन्य संरचना भने यथावत रहेका उनले बताए।

इलाका प्रहरी कार्यालय पशुपतिनगरका प्रमुख प्रहरी निरीक्षक अविनाश अधिकारीसहितको टोलीले घटनाको अनुगमन गरिरहेको छ।