ललितपुरको अक्सिजन प्लान्ट विस्फोटमा थप एक जनाको मृत्यु

ललितपुर- ललितपुरको पाटनस्थित औद्योगिक क्षेत्रभित्र रहेको अक्सिजन प्लान्टमा बिहीबार भएको विस्फोटमा थप एक जनाको मृत्यु भएको छ। 

मृत्यु हुनेमा भारतको पश्चिम चम्पारम रतनपुरूवाका ४५ वर्षीयको बृज महतो र भारतकै २५ वर्षीय राजकुमार महतो छन्। राजकुमारको उपचारका क्रममा र बृजको घट्नास्थलमै मृत्यु भएको ललितपुर प्रहरीले जानकारी दिएको छ। 

घटनामा परी घाइते भएका चन्द्रागिरी नगरपालिका-२ दहचोकका ४९ वर्षीय गंगाराज शर्माको बीएन्डबी अस्पतालमा उपचार भइरहेको छ। 

विस्फोटमा परी पर्साका ४३ वर्षीय रमेश अधिकारी, महालक्ष्मी नगरपालिका-८ की ३६ वर्षीया दुर्गा पुरी, गोदावरी नगरपालिका-९ का १९ वर्षीय सुदीप तिमिल्सेना, महांकाल गाउँपालिका-५ चन्द्नपुरका २२ वर्षीय ईश्वर बजगाई, ओखलढुंगाकी २० वर्षीया अन्जना पौडेल पनि घाइते भएका छन्। उनीहरू पाटन अस्पतालमा उपचारपछि डिस्चार्ज भइसकेका छन्। 

बिहीबार बिहान करिब १० बजे सगरमाथा अक्सिजन प्लान्टमा सिलिन्डर विस्फोट भएको थियो।