२८ जना ट्राफिक प्रहरी अधिकृतलाई दर्ज्यानी चिह्‍न प्रदान

काठमाडौं- काठमाडौं उपत्यका ट्राफिक प्रहरी कार्यालय तथा अन्तर्गतमा रहेका ट्राफिक प्रहरी कार्यालयमा कार्यरत प्रहरी नायब निरीक्षकबाट प्रहरी वरिष्ठ नायब निरीक्षक पदमा पदोन्‍नोति भएका २८ जना प्रहरी अधिकृतहरुलाई दर्ज्यानी चिह्न प्रदान गरिएको छ।

उपत्यका ट्राफिक प्रहरी कार्यालय रामशाहपथमा शुक्रबार आयोजित कार्यक्रमकाबीच पदोन्‍नती भएका प्रहरी कर्मचारीहरुलाई कार्यालयका प्रमुख प्रहरी वरिष्ठ उपरीक्षक उमेश राज जोशीले दर्ज्यानी चिह्न प्रदान गरेका हुन्। 

एसएसपी जोशीले पदोन्‍नति भएका प्रहरी अधिकृतहरूलाई बधाई दिँदै पदोन्‍नतिसँगै थपिएको जिम्मेवारी पूरा गर्न पूर्ण व्यवसायिक भई इमान्दारिताका साथ कार्यक्षेत्रमा क्रियाशील रहनुपर्ने बताए। थपिएको नयाँ दर्जामा पदोन्‍नति भएका गर्वबोध गर्दै आगामी दिनमा संगठनको गरीमा उच्च पार्न थप क्रियाशिल, जिम्मेवार र समर्पित भई सेवा गर्न पनि निर्देशन दिएका थिए। 

दर्ज्यानी चिह्‍न शुसोभन कार्यक्रममा प्रहरी उपरीक्षक, प्रहरी नायब उपरीक्षक तथा अन्य ट्राफिक प्रहरी अधिकृतहरूको उपस्थिति रहेको थियो।