युक्रेनको राजधानी पुग्यो रुसी सेना, उमेरको वास्ता नगरी सेनामा भर्ती हुन युक्रेनको आग्रह

युक्रेनको राजधानी किभमा रुसी सेना पुगेको छ। रुसी सैनिकहरू राजधानी किभ आइपुगेको युक्रेनको रक्षा मन्त्रालयले पुष्टि गरेको छ।

नेपाल समय | शुक्रबार, फागुन १३, २०७८

नेपाल समय

शुक्रबार, फागुन १३, २०७८

युक्रेनको राजधानी पुग्यो रुसी सेना, उमेरको वास्ता नगरी सेनामा भर्ती हुन युक्रेनको आग्रह

रुसी सेनाको ट्यांकर।

किभ- युक्रेनको राजधानी किभमा रुसी सेना पुगेको छ। रुसी सैनिकहरू राजधानी किभ आइपुगेको युक्रेनको रक्षा मन्त्रालयले पुष्टि गरेको छ।

मन्त्रालयले ट्विटरमा 'शत्रु' ओबोलोन क्षेत्र आइपुगेको उल्लेख गरेको छ। मन्त्रालयले सुरक्षित स्थानमा बस्न र घरबाहिर ननिस्कन पनि आग्रह गरेको छ। बीबीसीका अनुसार किभमा पनि ठूला विस्फोटका आवाज सुनिएको छ।

मन्त्रालयले उमेरको वास्ता नगरी सबैलाई सेनामा भर्ती हुनसमेत आग्रह गरेको छ। सैन्य कमान्डर युरी गलुस्किनलाई उद्धृत गर्दै मन्त्रालयले पासपोर्ट वा पहिचान खुल्ने नम्बर लिएर भर्ती हुन आग्रह गरिएको हो।

'आज युक्रेनलाई सबै थोक चाहिएको छ। सेनामा भर्ती हुने सबै प्रक्रिया सरल बनाइएको छ,' मन्त्रालयले ट्विट गर्दै आग्रह गरेको छ, 'आफ्नो पासपोर्ट र पहिचान खुल्ने नम्बर मात्र लिएर आउनुहोस्। उमेरको कुनै छेकबार छैन।'

प्रकाशित: Feb 25, 2022| 16:00 शुक्रबार, फागुन १३, २०७८