रुसद्वारा युक्रेनमाथि क्षेप्यास्त्र हमला

रुसले युक्रेनमाथि क्षेप्यास्त्र प्रहार गरेको छ।

नेपाल समय | बिहीबार, फागुन १२, २०७८

नेपाल समय

बिहीबार, फागुन १२, २०७८

रुसद्वारा युक्रेनमाथि क्षेप्यास्त्र हमला

काठमाडौं– रुसले युक्रेनमाथि क्षेप्यास्त्र प्रहार गरेको छ।

समाचार संस्था रोयटर्सका अनुसार युक्रेनका राष्ट्रपति जेलेन्स्कीले आफ्नो देशमाथि रुसले क्षेप्यास्त्र हमला गरेको पुष्टि गरेका छन्। युक्रेनी पूर्वाधार तथा सीमा सुरक्षा बलमाथि क्षेप्यास्त्र हमला गरिएको उनले जानकारी दिए। रुसी पक्षबाट भने यस विषयमा कुनै प्रतिक्रिया आइसकेको छैन।

रुसले युक्रेनमाथि विशेष कारबाही गरेको बताएको छ। सैनिक पूर्वाधार, हवाई प्रतिरक्षा र हवाई फौजलाई अचूक निशाना हान्ने अस्त्रहरूबाट प्रहार गरिरहेको रुसी रक्षा मन्त्रालयलाई उद्धृत गर्दै समाचार संस्थाहरुले जनाएका छन्।

यसैबीच, उत्तर एट्लान्टिक सन्धि संगठन (नेटो)का महासचिव येन्स स्टोल्टनबेर्गले रुसको आक्रमणलाई गैरजिम्मेवार भन्दै निन्दा गरेका छन्। रुसी कदमले अनगिन्ती नागरिकको जीवन जोखिममा परेको उनले बताएका छन्।

प्रकाशित: Feb 24, 2022| 11:54 बिहीबार, फागुन १२, २०७८