इरानमा लडाकू विमान दुर्घटना

इरानको सहरी क्षेत्र ताब्रिजमा भएको लडाकू विमान दुर्घटनामा दुई पाइलट र पार्किस्थलमा राखिएको सवारीमा बसिरहेका एक सर्वसाधारणको मृत्यु भएको अलजजिराले जनाएको छ।

नेपाल समय | सोमबार, फागुन ९, २०७८

नेपाल समय

सोमबार, फागुन ९, २०७८

तेहरान - इरानमा सैन्य लडाकू विमान दुर्घटना हुँदा तीन जनाको मृत्यु भएको छ। इरानको सहरी क्षेत्र ताब्रिजमा भएको लडाकू विमान दुर्घटनामा दुई पाइलट र पार्किस्थलमा राखिएको सवारीमा बसिरहेका एक सर्वसाधारणको मृत्यु भएको अलजजिराले जनाएको छ।

स्थानीय सैन्य अधिकारी रेजा युसेफीले सरकारी सञ्‍चारमाध्यमलाई दिएको जानकारी अनुसार प्रशिक्षणका लागि प्रयोग गरिने एफ५ मोडलको विमान दुर्घटना भएको हो।

आवासीय क्षेत्रलाई जोगाउनका लागि दुई पाइलट दिएको बलिदानीलाई रेजाले प्रशंसा गरेका छन्। आवासीय क्षेत्रबाट केही टाढा रहेको स्पोर्टस् कमलेक्समा ल्याण्ड गर्ने क्रममा दुर्घटना भएको बताइएको छ।

दुर्घटनामा पार्किङमा राखिएको कारलाई ठक्कर दिँदा उक्त कारमा सवार सर्वसाधारणको पनि मृत्यु भएको थियो।

प्रकाशित: Feb 21, 2022| 17:50 सोमबार, फागुन ९, २०७८