बिहारका पूर्वमुख्यमन्त्री लालु यादवलाई थप पाँच वर्ष जेल सजाय

भारत बिहारका पूर्व मुख्यमन्त्री तथा राष्ट्रिय जनता दल (आरजेडी) का नेता लालुप्रसाद यादवलाई अदालतले ५ वर्ष जेल सजाय र ६० लाख भारु जरिवाना सुनाएको छ।

नेपाल समय | सोमबार, फागुन ९, २०७८

नेपाल समय

सोमबार, फागुन ९, २०७८

बिहारका पूर्वमुख्यमन्त्री लालु यादवलाई थप पाँच वर्ष जेल सजाय

काठमाडौं– भारत बिहारका पूर्व मुख्यमन्त्री तथा राष्ट्रिय जनता दल (आरजेडी) का नेता लालुप्रसाद यादवलाई अदालतले ५ वर्ष जेल सजाय र ६० लाख भारु जरिवाना सुनाएको छ। झारखण्डस्थित सीबीआईको विशेष अदालतले उनलाई कैद र जरिवानाको आदेश दिएको हो।

बीबीसीका अनुसार चारा (पशुपालनका लागि दाना) घोटाला काण्डमा उनी दोषी ठहर भएका हुन्। यादवले दोरन्दा कोषबाट अवैध रुपमा १ अर्ब ३९ करोड ३५ लाख निकालेको आरोप लागेको थियो।

तीन दशकअघि भएको ९ अर्ब ५० बराबरको उक्त घोटालामा सीबीआईले ६४ वटा मुद्दा दर्ता गरेको थियो। यसमध्ये यादवको नाममा ६ वटा मुद्दा थिए।

चारवटा मुद्दामा दोषी ठहर भएपछि यादवलाई यसअघि १४ वर्षको जेल सजाय सुनाइएको थियो। अहिले ५ वर्ष थपिएको हो। जेल सजाय काटिरहेका लालुलाई पछिल्लो समय स्वास्थ्य अवस्थाका कारण जमानतमा छाडिएको छ।

प्रकाशित: Feb 21, 2022| 15:09 सोमबार, फागुन ९, २०७८