राजकुमार चार्ल्सको परोपकारी संस्थामा बेलायत प्रहरीद्वारा छानबिन

लन्डन- बेलायती प्रहरीले बुधबारको दिन एक साउदी व्यापारीसँग सम्बन्धित सम्मानस्वरूप प्राप्त नगद भनिएको मुद्दामा राजकुमार चार्ल्सको परोपकारी संस्थामाथि छानबिन सुरु गरेको बताएको छ।

यो निर्णय सेप्टेम्बर २०२१ को पत्रको मूल्यांकन पछिको हो। यो सम्मानबारे सञ्चारमाध्यममा आएको रिपोर्ट सम्बन्धित एक साउदी नागरिकका लागि सम्मान र नागरिकता प्राप्त गर्न सहायताको प्रस्ताव गरिएको आरोप लगाइएको स्कटल्याण्ड यार्डले जनाएको छ। 

आरोपबारे सावधानीका लागि गिरफ्तार वा अन्तरवार्ताहरू नभएका प्रहरीले जनाएको छ। आरोपहरूको आन्तरिक जाँचपछि गत वर्ष ‘द प्रिन्स फाउन्डेशन’का प्रमुखले राजीनामा दिएका थिए।

यस फाउन्डेसनका प्रमुख कार्यकारी माइकल फासेटले सुरुमा एक साउदी नागरिकसँग आफ्नो सम्बन्धबारे अखबारको खुलासापछि आफ्नो जिम्मेवारी निलम्बन गर्न सहमत भएका थिए।

ती व्यक्ति, व्यापारी महफूज मारे मुबारक बिन महफूजले चार्ल्सलाई उनको रोजाइको एक पुनः स्थापना परियोजनाका लागि ठूलो रकम अनुदान दिएको दाबी गरिएको छ। 

दशकौंदेखि रानी एलिजाबेथ द्वितीयको उत्तराधिकारीको नजिक रहेका ‘प्रिन्स अफ वेल्स’का भूतपूर्व निजी सहयोगी फाउसेटले महफूजको लागि शाही सम्मान र बेलायती नागरिकतासमेत प्रदान गर्न समन्वय गरेको आरोप लगाइएको छ।

रिपोर्टअनुसार महफूजले कुनै पनि गलत काम नभएको भन्दै आरोपको खण्डन गरेका थिए। राजकुमार चाल्र्सको फाउन्डेसनले बेरोजगार मानिसहरूलाई काममा फर्कन र साना व्यवसायहरू सुरु गर्न मदत गर्छ। संस्थाले दाबीहरूलाई ‘अत्यन्तै गम्भीरतापूर्वक’ लिएको बताएको छ।