महाभारतका 'भीम'को मृत्यु

काठमाडौं- बीआर चोपडाको पौराणिक शो 'महाभारत' मा भीमको भूमिका निभाएका अभिनेता प्रवीण कुमार सोबतीको ७४ वर्षको उमेरमा निधन भएको छ।

जानकारीका अनुसार अभिनेता लामो समयदेखि रोग र आर्थिक संकटसँग जुधिरहेका थिए। प्रवीण कुमार सोबतीले अभिनयको दुनियाँमा मात्रै नभई खेलकुदको दुनियाँमा पनि धेरै नाम कमाएका थिए।

एसियाली खेलकुदमा भारतको प्रतिनिधित्व गरेका प्रवीण कुमार

प्रवीण कुमार सोबती आफ्नो कदका कारण जनतामाझ निकै चर्चित थिए। उनी अभिनेताका साथै एथलीट पनि थिए। उनले ह्यामर र डिस्क थ्रोमा धेरै पदक जितिसकेका छन्। बीएसएफका पूर्व डेपुटी कमाण्डेन्ट रहेका प्रवीणले एसियाली र कमनवेल्थ गेम्समा पनि भारतको प्रतिनिधित्व गरिसकेका छन्।

उनले हङकङमा भएको एसियाली खेलकुदमा भारतका लागि स्वर्ण पदक जितेका थिए। उनले सन् १९६० र ७० को दशकमा एथलेटिक्समा पनि निकै लोकप्रियता हासिल गरेका थिए।

५० भन्दा बढी फिल्ममा काम गरिसकेका प्रवीण