पेरुका प्रधानमन्त्रीद्वारा राजीनामा

पेरुका प्रधानमन्त्रीले राजीनामा दिएका छन्।

नेपाल समय | आइतबार, माघ २३, २०७८

नेपाल समय

आइतबार, माघ २३, २०७८

काठमाडौं- पेरुका प्रधानमन्त्रीले राजीनामा दिएका छन्। गत हप्ताको मंगलबार प्रधानमन्त्री बनेका हेक्टर भ्यालेरमाथि घरेलु हिंसाको आरोप लागेसँगै उनले पदबाट राजीनामा दिएका हुन्।

प्रधानमन्त्री भ्यालेरले सन् २०१६ मा आफ्नी पछिल्लो श्रीमती र छोरीमाथि हात उठाएको अभियोग लागेको छ। सो अभियोगको समाचार तीव्र रुपमा बाहिरिएपछि प्रधानमन्त्रीको चर्को आलोचना भएको थियो।

उक्त अभियोगपछि त्यहाँका राष्ट्रपति पेड्रो क्यासिलोले ६ महिनाभित्रमा चौथो नयाँ मन्त्रीमण्डल गठन गर्ने बताएका थिए।

घरेलु हिंसा गरेका प्रधानमन्त्री भ्लालेरले राजनीतिक अधिकारको दुरुपयोग गरेको आरोप लगाइएको छ। प्रधानमन्त्री भ्यालेरले भने आफूमाथि झुटो आरोप लागेको बताएका छन्।

प्रकाशित: Feb 06, 2022| 12:03 आइतबार, माघ २३, २०७८