३२ जनाको मृत्यु हुने गरी संक्रमण गराउने लासा ज्वरो के हो?

नाइजेरिया- नाइजेरियामा लासा ज्वरोको प्रकोपले यस वर्षको सुरुदेखि हालसम्म कम्तीमा ३२ जनाको ज्यान गएको सरकारी अधिकारीले गत सोमबार जनाएको छ। 

नाइजेरिया सेन्टर फर डिजिज कन्ट्रोल (एनसीडीसी) का अनुसार, पुष्टि भएका घटनाहरूको संख्या ७४ पुगेको र सोही अवधिमा कुल ७५९ संदिग्ध घटनाहरु पनि देखिएको थियो।

जनवरी २६ मा स्वास्थ्य अधिकारीहरूले हालैको प्रकोपको प्रतिक्रियामा राष्ट्रव्यापी लासा ज्वरो आपतकालीन अपरेशनहरू सक्रिय गरेको बताएका छन्। 

एनसीडीसीले मृत्यु दर कम गर्न राज्य जनस्वास्थ्य टोलीहरूलाई सहयोग गर्न प्रतिबद्ध रहेको बताएको छ। 

रोग नाइजेरियामा वर्षैभरि देखा पर्दछ, तर सुख्खा मौसममा धेरै देखा पर्ने जनाइएको छ। यो रोगबाट गत वर्ष नाइजेरियामा कम्तीमा ८० जनाको ज्यान गएको एनसीडीसीले जनाएको छ। 

यो अफ्रिकी मुलुकहरु नाइजेरियाका साथै सेना लियोन, लाइबेरिया, गुनियालगायतका मुलुकमा देखा परेको छ। यसको संक्रमण पहिलो पटक सन् १९६९ मा नाइजेरियामा देखा परेको थियो। 

अफ्रिकी मुलुकमा वार्षिक एकदेखि तीन लाखमा संक्रमण देखिन्छ भने पाँच हजारको मृत्यु हुने गरेको छ। यो इन्डेमिक संक्रमणको एक हिस्सा भएको बताइएको छ।