गर्लफ्रेन्डलाई हातपात गरेको आरोपमा ग्रिनवुड पक्राउ

काठमाडौं- दुई दिनअघि ह्यारियट रोबिन्सनको इन्स्टाग्राममा केहि तस्विरहरु पोस्ट गरिएका थिए। त्यहाँ उनी आफू घाइते भएँ भनेर देखाउँदै थिइन्। उनको शरीरको विभिन्न भागमा चोट लागेको देखिन्थ्यो। उनका हात खुट्टामा चोट र निलडाम थियो।

त्यति मात्र होइन उनको ओठ सुन्निएको र मुखबाट रगत बगिरहेको तस्बिरले सामाजिक सञ्जाल एकाएक गरम भयो। उनलाई चिनिहाले, तिनी म्यानचेस्टर युनाइटेडको विश्वचर्चित युवाखेलाडी मेसन ग्रिनवुडकी ग्रलफ्रेन्ड थिइन्।

त्यसपछि सबैतिर हल्लाखल्ला मच्चियो। त्यो पोस्टमा उनले आफू घरेलु हिंसामा परेको बताएकी थिइन्। साथै उनले आफूलाई बोइफ्रेन्ड ग्रिनवुडले नै कुटपिट गरेको पनि जनाएकी थिइन्।

त्यसपछि प्रहरीले सो कुराबारे छानविन थालेको थियो। अहिले म्यानचेस्टर युनाइटेडको प्रहरीले उनलाई गिरफ्तार गरेको छ। उनलाई घरेलु हिंसा र बलात्कारको केसमा पक्राउ गरिएको हो।

उनलाई पक्राउ गरेपछि ग्रेटर म्यानचेस्टरको प्रहरीले सूचनामा भनेका छ, ‘एक महिलाको सामाजिक सञ्जामा राखिएको भिडियो र तस्विरका आधारमा त्यो शारीरिक यातना भएको अर्थ लाग्छ। सोहि केसमा बलात्कार पनि हो कि होइन भन्ने कुरा जोडियएको छ। त्यसबारे थप अध्ययन गर्नका लागि २० वर्षका पुरुषलाई पक्राउ गरिएको छ।’ प्रहरीले ग्रिनवुड हिरासतमा रहने छानविन साथै सोधपुछ गरिने पनि बताइएको छ।

यता उनको क्लब म्यानचेस्टर युनाइटेडले उनी अब अर्को सूचना नआएसम्मका लागि अभ्यासमा उपस्थित नहुने पनि जानकारी दिएको छ। ‘हामी कुनै पनि हिंशालाई प्रोत्साहन दिँदैनौँ,’ सूचनामा लेखिएको छ,‘सत्यतथ्य छानविन नभइकन बाँकी कुरा भन्न सकिँदैन।’

ह्यारिसनको त्यो आरोपबारे अहिलेसम्म ग्रिनवुडले केहि बताएका छैनन्। ग्रिनवुडले तीन वर्षअघि मात्र म्याचेस्टर युनाइटेडबाट डेब्यू गरेका थिए। उनले क्लबसँग चार वर्षको सम्झौता गरेका छन्। उनी युनाइटेड एकेडेमीका खेलाडी हुन्।