दराज नेपालको प्रबन्ध निर्देशकमा आँचल कुँवर नियुक्त

नेपालको अग्रणी अनलाइन बजार दराज नेपालले आँचल कुँवरलाई पहिलो महिला प्रबन्ध निर्देशकको रूपमा नियुक्त गरेको छ।

नेपाल समय | बुधबार, माघ ५, २०७८

नेपाल समय

बुधबार, माघ ५, २०७८

दराज नेपालको प्रबन्ध निर्देशकमा आँचल कुँवर नियुक्त

काठमाडौं– नेपालको अग्रणी अनलाइन बजार दराज नेपालले आँचल कुँवरलाई पहिलो महिला प्रबन्ध निर्देशकको रूपमा नियुक्त गरेको छ। दराजका सीईओ बियार्के मिक्केलसेनले लिन्क्ड इनमा यो खबर घोषणा गरेका थिए।

‘नेपाली जनताका लागि विश्वस्तरीय अनलाइन सपिङ अनुभव सिर्जना गर्ने धेरै प्रतिभाशाली पेशेवरहरूको समूहको नेतृत्व गर्ने यो अवसरको लागि म विशेषाधिकार र सम्मानित महसुस गर्छु। नेपाली इ–कमर्स उद्योगमा दराजको द्रूत वृद्धि र प्रभाव टाढाबाट पनि स्पष्ट देखिन्छ। यसरी म दराज नेपाललाई घरायसी नाम र हाम्रा सबै ग्राहकहरूको किनमेल आवश्यकताहरूको लागि वान–स्टप समाधानको रूपमा स्थापित गर्नमा भाग लिन पाउँदा धेरै उत्साहित महसुस गर्छु,’ आँचलले भनिन्।

आँचलले कार्लसन स्कुल अफ म्यानेजमेन्टबाट एमबिए, गणित र अर्थशास्त्रमा सेन्ट क्लाउड स्टेट युनिभर्सिटी मिनेसोटाबाट बिएस सकाएर १३ वर्ष युएस कर्पोरेट क्षेत्रमा काम गरेकी छन्। यो अवधिमा उनले कार्लसन वागोनलिट ट्राभल र इ–कमर्स अग्रगामी, अमेजन जस्ता विभिन्न प्रमुख कम्पनीहरूमा काम गरिन्, जहाँ उनले स्वीडेन, पोल्याण्ड, साउदी अरब र इजिप्ट जस्ता नयाँ बजारहरूमा कम्पनी स्थापना गर्न सहयोग गरिन्।

प्रकाशित: Jan 19, 2022| 11:53 बुधबार, माघ ५, २०७८