एपीएफले बागमतीसँग पायो १२५ रनको लक्ष्य

काठमाडौं– प्रधानमन्त्री कप पुरुष राष्ट्रिय टी२० प्रतियोगिताको मंगलबार सम्पन्न खेलमा अहिले विभागीय टिम एपीएफले प्रदेशहरुमा बलियो मध्येको बागमती प्रदेशको सामना गरिरहेको छ।

कीर्तिपुरस्थित त्रिभुवन विश्वविद्यालयको मैदानमा जारी खेलमा टस जितेर ब्याटिङ राजेको बागमतीले एपीएफलाई १२६ रनको लक्ष्य प्रस्तुत गरेको छ।

टस जितेर ब्याटिङ रोजेको बागमतीले पूरा ओभर खेल्दै आठ विकेट गुमाएर १२५ रन बनाएको हो। बागमतीका इशान पाण्डेले २९ रन बनाउँदा सुवास खकुरेलले २१ रन जोडे। आदिल खानले १९ रन बनाए भने नन्दन यादवले पनि २४ रन जोडे।

बलिङर्फ अभिनाष बोहराले चार विकेट गिराउँदा कमलसिंह ऐरीले दुई विकेट लिए। त्यस्तै, किशोर महतो र सरद भेषावकरले पनि एकएक विकेट लिए।

पहिलो खेलमा एपीएफ र बागमतले जित निकालेका छन्। समूह बी बाट सेमिफाइनल पुग्ने प्रवल दाबेदारका रुपमा रहेका यि दुबै टिमलाई समूहको शीर्षस्थानमा रहनका लागि पनि यो खेल महत्त्वपूर्ण छ