प्रदेश १ लाई कर्णाली प्रदेशद्वारा १२० रनको लक्ष्य

मुलपानी क्रिकेट मैदानमा जारी खेलमा टस हारेर ब्याटिङको निम्तो पाएको कर्णाीलीले पुरा ओभर खेल्दै सात विकेट गुमाएर १२० रन बनाएको छ। यससँगै प्रदेश १ ले १२१ रनको लक्ष्य पाएको छ।

नेपाल समय | मंगलबार, पुस २७, २०७८

नेपाल समय

मंगलबार, पुस २७, २०७८

प्रदेश १ लाई कर्णाली प्रदेशद्वारा १२० रनको लक्ष्य

काठमाडौं- प्रधानमन्त्री कप पुरुष राष्ट्रिय टी २० क्रिकेट प्रतियोगिताको दोस्रो दिनको दोस्रो खेलमा प्रदेश १ र कर्णाली प्रदेशले प्रतिस्पर्धा गरिरहेका छन्।

कर्णालीका कप्तान रविन्द्र शाहीले ४१ बलमा ३६ रन बनाए। त्यस्तै, विपिन रावलले ११ रन बनाउँदा पाँचौ नम्बरमा मैदान छिरेका प्रकाश जैशीले २५ रन बनाए। राज शाहले १५ रन बनाए।

बलिङतर्फ प्रदेश १ का मुकुन्द यादवले तीन विकेट लिए भने फिरोद अन्सारीले दुई विकेट गिराए। एक विकेट लिनेमा कमल खत्री र सिद्धान्त लोहनी रहे।

आज प्रदेश १ ले पहिलो यो प्रतियोगितामा पहिलो खेल खेलिरहेको छ भने कर्णालीले पहिलो खेलमा हार बेहोरेको छ।

प्रकाशित: Jan 11, 2022| 11:09 मंगलबार, पुस २७, २०७८