गायक सोनु निगमलाई कोरोना संक्रमण

चर्चित भारतीय गायक सोनु निगमलाई कोरोना संक्रमण पुष्टि भएको छ। उनीसँगै उनकी श्रीमती मधुरिम र छोरा नीवानमा समेत कोराना पुष्टि भएको बताइएको छ।

नेपाल समय | बुधबार, पुस २१, २०७८

नेपाल समय

बुधबार, पुस २१, २०७८

काठमाडौं- चर्चित भारतीय गायक सोनु निगमलाई कोरोना संक्रमण पुष्टि भएको छ। उनीसँगै उनकी श्रीमती मधुरिम र छोरा नीवानमा समेत कोराना पुष्टि भएको बताइएको छ।

निगमले सामाजिक सञ्जालमा एक भिडियो सार्वजनिक गर्दै आफूहरूलाई कोरोना संक्रमण भएको जानकारी दिएका छन्। उनी अहिले परिवारका साथ दुबईमा रहेका छन्।

कोरोना संक्रमित भएपछि उनले परिवारका साथ आफू क्वारेन्टाइनमा रहेको बताएका छन्। ‘तपाईहरूलाई नयाँ बर्षको शुभकामना। म कोरोना संक्रमित भएको छु। कति मानिसलाई यो कुरो थाहा छ। कतिलाई थाहा छैन,’ उनले भिडियो सन्देशमा भनेका छन्।

उनले अहिले आफू दुबईमा रहेको र भुवनेश्वरको कार्यक्रममा सहभागी हुन भारत फर्किनुपर्ने बताएका छन्। 'सुपर सिंगर सिजन ३’ को पनि सुटिङ गर्नुछ। मैले कोरोना टेष्ट गराएको रिपोर्ट पोजेटिभ आयो,' उनले भनेका छन्।

प्रकाशित: Jan 05, 2022| 13:53 बुधबार, पुस २१, २०७८