देउवा पुगे कांग्रेस मतदान स्थल

नेपाली कांग्रेसका सभापति एवं प्रधानमन्त्री शेरबहादुर देउवा मतदान स्थल पुगेका छन्। कांग्रेसको १४औं महाधिवेशनको नयाँ नेतृत्वका लागि मतदान सुरु भएसँगै देउवा भृकुटी मण्डप पुगेका हुन्।

नेपाल समय | सोमबार, मंसिर २७, २०७८

नेपाल समय

सोमबार, मंसिर २७, २०७८

काठमाडौं- नेपाली कांग्रेसका सभापति एवं प्रधानमन्त्री शेरबहादुर देउवा मतदान स्थल पुगेका छन्। कांग्रेसको १४औं महाधिवेशनको नयाँ नेतृत्वका लागि मतदान सुरु भएसँगै देउवा भृकुटी मण्डप पुगेका हुन्।

सोमबार बिहान ८ बजेदेखि मतदानको कार्यतालिका भए पनि साढे तीन घन्टापछि सुरु भएको छ। निर्वाचन समितिका सचिव जगन्नाथ श्रेष्ठले मतदान सुरु गर्न मतपत्र मतदातालाई बाँड्न थालिएको बताएका छन्। साँझ ५ बजेसम्म मतदान गरिसक्ने कार्यतालिका छ।

कांग्रेस महाधिवेशन प्रतिनिधि सोमबार बिहानैदेखि राष्ट्रिय सभा गृह, महेन्द्र पुलिस क्लब र भृकुटीमण्डपमा आ-आफ्नो प्रदेशका लागि छुट्याइएको बुथमा लामबद्ध भएका थिए।

अहिले विभिन्न पदमा उम्मेदवारी दिएका नेताहरू प्रतिनिधिसँग भोट माग्न व्यस्त छन्। कांग्रेस महाधिवेशनमा ४७ सय बढी प्रतिनिधि सहभागी छन्।

प्रकाशित: Dec 13, 2021| 11:44 सोमबार, मंसिर २७, २०७८