यसरी दिइयो उदाउँदो सूर्यलाई अर्घ्य [फोटो फिचर]

वीरगन्ज- उदाउँदै गरेको सूर्यलाई अर्घ्य दिएसँगै छठ पर्व सकिएको छ। बिहीबार बिहान उदाउँदो सूर्यलाई अर्घ्य दिएसँगै छठ पर्व समापन भएको हो। बुधबार साँझ अस्ताउँदै गरेको सूर्यलाई अर्घ दिएका व्रतालुहरूले आज बिहान उदाउँदै गरेको सूर्यलाई अर्घ्य दिएका छन्।

निर्जल व्रत बसेर ३६ घण्टा पानीसमेत नपिएर यो पर्व मनाउँदा सन्तान प्राप्ति, निरोगिता, सुख, समृद्धि र चर्मरोग निको हुने जनविश्वास रहेको छ।

रातभर सूर्यको आराधनामा मग्न भएका भक्तहरूले आज उदाउँदो सूर्यको पूजाआजा गरेका छन्। बिहानीमा सूर्यको न्यानो किरणसँगै व्रतालुहरूले अँजुलीमा पानीभरि जल चढाउँछन् र पालैपालो ठेकुवा, फलफूल र मिठाई अर्पण गर्छन् । त्यसपछि घरमा गई सूर्यको प्रसाद ग्रहण गरी व्रत समापन गर्छन्। 

यस पर्वमा धनी, गरिब, उचनिचको भेदभावलाई छोडेर सबै वर्ग, समुदाय एउटै सांस्कृतिक पृष्ठभूमिमा पूजाअर्चनाका लागि उभिने गरेको पाइन्छ।