रिलायन्स लाइफ इन्स्योरेन्सको वार्षिक धन वर्षा जीवन बिमा योजना

रिलायन्स लाइफ इन्स्योरेन्सले रिलायन्स वार्षिक धन वर्षा जीवन बिमा योजना सार्वजनिक गरेको छ ।

नेपाल समय | मंगलबार, कात्तिक २, २०७८

नेपाल समय

मंगलबार, कात्तिक २, २०७८

रिलायन्स लाइफ इन्स्योरेन्सको वार्षिक धन वर्षा जीवन बिमा योजना

काठमाडौं– रिलायन्स लाइफ इन्स्योरेन्सले रिलायन्स वार्षिक धन वर्षा जीवन बिमा योजना सार्वजनिक गरेको छ ।

सो बिमा योजनाअन्तर्गत बिमितलाई प्रत्येक वर्ष बिमालेखको वार्षिकोत्सव मितिमा बिमांकको ५ प्रतिशत रकम भुक्तान गरिने कम्पनीले जनाएको छ । यो योजना बिमितले १५ वा २० वर्षको अवधिका लागि लिन सक्नेछन् ।

१५ वर्षको बिमा अवधिको समाप्तिमा बिमितलाई अग्रिम वार्षिक रूपमा भुक्तानी गरिएको रकम घटाई बाँकी रहेको बिमांक रकम र आर्जित बोनस प्रदान गरिने जनाइएको छ ।

यस्तै, २० वर्षको बिमा अवधिको समाप्तिमा अग्रिम वार्षिक रूपमा भुक्तानी गरिएको रकम घटाई बाँकी बिमांक रकम, आर्जित बोनस र बिमांक रकमको १० प्रतिशत थप रकम (एक पटकको लागि मात्र) प्रदान पनि जनाइएको छ ।

यस योजनामा कथंकदाचित बिमा अवधिमा बिमितको मृत्यु भएमा इच्छाइएको व्यक्तिलाई बिमांक रकम र आर्जित बोनस प्रदान कम्पनीले जनाएको छ । न्यूनतम बिमांक रकम एक लाख कायम गरिएको यो योजना १८ देखि ५५ वर्ष उमेरका लागि रहेको जनाइएको छ।

प्रकाशित: Oct 19, 2021| 16:50 मंगलबार, कात्तिक २, २०७८