कारोबारको अढाइ घण्टामै सय अंकले घट्यो नेप्से

मंगलबार सेयर बजार राताम्मे भएको छ। दसैंपछिको पहिलो दिन आइतबार बढेको बजार सोमबार बैंकहरुले ब्याजदर बढाएको सूचना प्रकाशित गरेसँगै ओरालो लागेको हो।

नेपाल समय | मंगलबार, कात्तिक २, २०७८

नेपाल समय

मंगलबार, कात्तिक २, २०७८

काठमाडौं– मंगलबार सेयर बजार राताम्मे भएको छ। दसैंपछिको पहिलो दिन आइतबार बढेको बजार सोमबार बैंकहरुले ब्याजदर बढाएको सूचना प्रकाशित गरेसँगै ओरालो लागेको हो।

मंगलबार साढे एक बजेसम्ममा बजार एक सय अंकले ओरालो लागेर २४८७ अंकमा पुगेको छ। झन्डै ३२ सय अंकमा पुगेको बजार पछिल्लो समय ओरालो लागिरहेको छ ।

बैंकहरुले तरलताको अभावमा व्याजदर वृद्धि गरेसँगै बजारले ओरालो गति लिएको हो। बैंकहरुले झन्डै १२ प्रतिशत निक्षेपमा नै ब्याज पुर्याएको सूचना प्रवाहित गरिसकेका छन्।

धेरै बैंकहरुको ब्याज १० प्रतिशतभन्दा माथि छ। कारोबार रकम पनि कम भएको छ। साढे १ बजेसम्ममा सेयर बजारमा २ अर्ब ३१ करोड रुपैयाँ बराबरको मात्र कारोबार भएको छ।

प्रकाशित: Oct 19, 2021| 13:40 मंगलबार, कात्तिक २, २०७८