रुसमा विमान दुर्घटना हुँदा १५ जनाको मृत्यु

मस्को- रुसको टटारस्थानमा एक विमान दुर्घटना हुँदा १५ जनाको मृत्यु भएको छ। उक्त दुर्घटनामा सात घाइते भएको रुसी समाचार संस्था तासले जनाएको छ। 

रुसी सरकारी समाचार संस्था टासका अनुसार मस्कोबाट झन्डै १,००० किलोमिटर पूर्वमा रहेको टेटारस्थानमा भएको उक्त घटना भएको हो।

प्यारासुट जम्परहरुको एक समूहलाई बोकेको विमान दुर्घटना भएको आपतकालीनमन्त्रीले जानकारी दिएको तासले जनाएको छ। 

सात जनाको जीवितै उद्धार गरिएको छ। मन्त्रालयले सार्वजनिक गरेका तस्बिरहरुमा विमान दुई टुक्रामा विभाजन भएको जनाइएको छ। 

घाइतेहरुलाई उद्धार गरेर तत्काल अस्पताल लगेर उपचार भइरहेको उनले जनाएका छन्।