तनहुँमा पहिरोमा परी दुईको मृत्यु, तीन घाइते

बन्दीपुर गाउँपालिका–३ तामुङमा पहिरोले दुई जनाको मृत्यु भएको छ।

नेपाल समय | बिहीबार, असार १७, २०७८

नेपाल समय

बिहीबार, असार १७, २०७८

तनहुँमा पहिरोमा परी दुईको मृत्यु, तीन घाइते

तनहुँ- बन्दीपुर गाउँपालिका–३ तामुङमा पहिरोले दुई जनाको मृत्यु भएको छ। पहिरोमा परी एक गम्भीरसहित तीन जना घाइते भएको प्रहरीले जनाएको छ। पहिरोबाट तामुङका करिब ३० वर्षीया सरस्वती थापा र ७० वर्षीया हरिमाया बसेलको निधन भएको हो।

उनीहरूको घटनास्थलमै मृत्यु भएको वडासदस्य हर्कबहादुर थापाले जानकारी दिए। सरस्वतीका ससुरा दिलबहादुर मगर, सासू दाउरीमाया मगर र देवर सुवास थापा घाइते भएका छन्। पहिरोका कारण चार घर जोखिममा रहेको उनले जानकारी दिए।

पहिरोमा पुरिएर घाइते भएकामध्ये एक जनाको अवस्था चिन्ताजनक रहेको उनले बताए। घर माथिबाट खसेको पहिरोले घर पुरेको गाउँपालिकाका उपप्रमुख करुणा गुरुङले बताइन्।

घटनास्थल जाने बाटोहरू पहिरोले अवरुद्ध भएका कारण जनप्रतिनिधिहरू हिँडेर घटनास्थल जाँदै गरेको उपप्रमुख गुरुङले जानकरी दिइन्।

प्रकाशित: Jul 01, 2021| 04:32 बिहीबार, असार १७, २०७८